بسم الله الرحمن الرحيم
السلام عليكم ورحمة الله وبركاته
شحالكم يالربع كلن بحاله
اليوم عنديه قصيده اتمنى انها تنال اعجابكم
كتبتها وانا قاصد الدار في السياره
اقول فيها
أبادلك السماح
كنت ميولـي وحاجتـي يا صاح
كنت لي مثل شيء ما أحيا بلاه
وكان صوتك يجيب لـي الانشراح
تسعـد الروح حين يوصـل صداه
وكنت اشوفك مثـل جـرمٍ مباح
أفتخـر في جرمي ولا غيره أباه
قبل لا تجينـي فـي عالمي سواح
وقلبـي حين جيتنـي حبك رجاه
ويش أسوي يوم طبعـك إستباح
تعدى حدودي وبالـموده رماه
تغيب وتقسى وأبادلك السماح
أقول غالـي دام قلبي لي تمناه
وكان قلبـي يشوفك سيد الملاح
وهو لا شافك ولا حتى شذاك جاه
ويوم أخطيـت رميتنـي برماح
والخطى ان الذي بالروح شراه
ما خانه ولا سبب بقلبه جراح
غير يوم يعاند ساعات يـجفاه
صدمنـي رده وظنيت هذا مزاح
قلـت بمكن يـختبـر حبي ومداه
ثره يوم قفى لملم عمره وراح
وما تم لي غير رساله من بقاياه
اتسلى وقرا حروفها لجل ارتاح
لانه معي طيفه ومحال انا انساه
غالـي معي ولا هو بشخـص مداح
غير العواذل لـي عـكـرت مجراه
شـخـصٍ أصيل مثـل الزهر فواح
نفحه جـميل يمـوت ويبقى شذاه
وسوالم
والسموحه منكم
__________________
الأحد ديسمبر 10, 2006 10:56 pm